ليلة فراق شهدت عليها دموع القمر

بسم الله الرحمن الرحيم

ليلة فراق شهدت عليها دموع القمر
ليله فراق الليل منمش فيها وكان السهر
ليله ما كنت جنبه وفجأه راح
الليله الي وعدني فيها يكون افراح
ضحك عليا عشان يصبرني
وكانت الليله دي اكبر ليله جراح
مش قادرة اصدق ده اللي كان ليا
فجأه يروح من بين ايديا
بس ده قدر مكتوب عليا
وفجأه وانا ماسكه ايديه
نزلت دمعه من عنيه
كانت دمعه الفراق
وقبل ما يروح بثواني
بص عليا وباسمي نداني
وعلى حبنا وعلى نفسي وصاني


فنزلت دمعه من عينيا على دمعه خده
والدمعتين نزلوا لحد ما وصلوا قلبه
قالى سامحينى علشان مقدرتش اسعدك
بس في الجنه صدقيني هسعدك وبوعدك
و لقيت السما بتنقط ميه
عرفت ان القمر بيبكي من حزنه واختفى ضيه
وانا شايفه كل ده وقلبي هيموت عليه
وفجاه فارقت ايديا ايديه
وغمضت عنيه
وانا عارفه اني خلاص مش هشوفه تاني
ورجعت وحدي في الطريق تايهه وحيرانه
مش عارفه اروح لمين وبعده هعمل ايه وفضلت سهرانه
سهرت مع دموع القمر بتواسي حزني
واوراق الشجر بتدفي قلبي


وآآآآآه يا زمن مبتخلناش نفرح بحبنا ليه؟؟
آآآآآه يا زمن منك، ليه القسوة دي عملنا فيك ايه؟؟
ده انا من بعد حبيبي ضايعه خلاص
انا من بعده مش هيفرق معايا الاحساس
انا من بعده مش عايزه اشوف الناس
هو ده الحب الي طلعت بيه من الدنيا
و الزمان استكتره عليا
واخده مني في ثانيه